მასწავლებელთა პროფესიული განვითარების სქემა

მასწავლებელთა პროფესიული განვითარების სქემა მიზნად ისახავს პედაგოგების უწყვეტ პროფესიულ ზრდას. სქემაში ჩართვა მხოლოდ სერტიფიცირებულ პედაგოგებს შეუძლიათ და გარკვეული კრედიტების დაგროვების შემთხვევაში მათ სხვადასხვა სტატუსი ენიჭებათ:

• სერტიფიცირებული მასწავლებელი;
• პირველი კატეგორიის მასწავლებელი;
• უმაღლესი კატეგორიის მასწავლებელი;

სერტიფიცირებულ პედაგოგს მომდევნო კატეგორიის მინიჭებისას ავტომატურად 8 წლით (სერტიფიცირების მოქმედების ვადა) განუახლდება სერტიფიკატი და გამოცდების ჩაბარება აღარ მოუწევს.

კატეგორიების მისაღებად საჭირო კრედიტებს პედაგოგები სხვადასხვა აქტივობებში მონაწილეობით დააგროვებენ, მათ შორის-ტრენინგები, სემინარები, ოლიმპიადებში გამარჯვება, წიგნების თანაავტორობა და ა.შ.