მარია მონტესორი

მარია მონტესორი(Maria Montessori;1870-1952წწ.) — იტალიელი მეცნიერი, ფილოსოფოსი, ჰუმანისტი და ფემინისტიმონტესორი პირველი ქალი იყო იტალიაში, რომელმაც მედიცინის კურსი დაამთავრა, და ერთ-ერთი პირველი ქალი იყო, რომელიც მეცნიერებათა დოქტორის ხარისხს ატარებდა.ის ცნობილია ბავშვთა დაბადებიდან სიყმაწვილემდე აღზრდის განსაკუთრებული მეთოდითა და ფილოსოფიით.მისი მეთოდიკა,რომელიც ემყარება თითოეულ ბავშვთან მასწავლებლის ინდივიდუალურ მიდგომას,ამჟამად მრავალ საზოგადო თუ კერძო სკოლაში გამოიყენება მთელ მსოფლიოში.ის სამჯერ(1949, 1950 და 1951წწ.) იყო ნომინირებული ნობელის პრემიაზე.
მონტესორის პედაგოგიური სისტემის არსს გადმოსცემს სიტყვები: "დამეხმარე, რომ მე თვითონ ვისწავლო." მას მოუწია გონებასუსტი ბავშვების მკურნალობა და იმისათვის, რომ დახმარებოდა თავის პატარა პაციენტებს ადაპტაციაში, 1907წელსშექმნა სპეციალური სკოლა, რომელშიც ბავშვებს თავისი განსაკუთრებული მეთოდით ზრდიდა. სულ ცოტა ხანში აღმოჩნდა, რომ გონებრივად ჩამორჩენილმა ბავშვებმა აითვისეს წერა-კითხვა და თვლა-ანგარიში თავიანთ ნორმალურად განვითარებულ თანატოლებზე გაცილებით ადრე. ასე დაიბადა თამამი იდეა – განზოგადებულიყო დაგროვილი პრაქტიკული გამოცდილება და შექმნილიყო სწავლების და განვითარების პრინციპულად ახალი სისტემა. ეს იყო მართლაც რევოლუციური გადაწყვეტილება.
გავიდა 100 წელიწადზე მეტი და მეთოდიკა არა მხოლოდ აღიარეს – ზოგიერთ ქვეყანაში (იტალიაში, იაპონიასა და გერმანიაში), არამედ ის დღესაც წამყვან მეთოდიკას წარმოადგენს.მარია მონტესორი თვლიდა, რომ განათლების მისაღებად საკმარისია ისეთი განმავითარებელი გარემოს შექმნა, სადაც დიდაქტიკურ მასალას აირჩევდა არა მასწავლებელი, არამედ თვითონ ბავშვი და თვითონვე გასაზღვრავდა ამ მასალასთან მუშაობის დროს, გააკონტროლებდა თავის შეცდომებს.მისი მეთოდის ძირითადი არსი მდგომარეობს ბავშვის სტიმულირებაში თვითგანვითარებისკენ.ბავშვი თვითონ ასწავლის საკუთარ თავს. თვითონ ადგენს სასწავლო პროგრამას, თვითონ ირჩევს სახელმძღვანელო საშუალებებს. აღმზრდელის ამოცანაა, დაეხმაროს ბავშვს მისი საქმიანობის ორგანიზაციაში, შემოქმედებითი პოტენციალის რეალიზაციაში.
მონტესორის შესახებ(რუს.)
მარია მონტესორი(ინგლ.)
მონტესორის მეთოდები